منتدي المحاسبين الشطار


منتدي يهتم بالمحاسبه في شتي مجالاتها والشهادات المهنيه في تخصص المحاسبه والهدف الاساسي منه هو بناء جيل جديد من المحاسبين الشطار
 
الرئيسيةالبوابةبحـثالتسجيلدخول

شاطر | 
 

 أ-ب محاسبة

اذهب الى الأسفل 
كاتب الموضوعرسالة
elzahed
مؤسس المنتدي
مؤسس المنتدي
avatar

عدد المساهمات : 65
تاريخ التسجيل : 10/09/2009
العمر : 38
الموقع : 10/09/2009

مُساهمةموضوع: أ-ب محاسبة   الخميس سبتمبر 10, 2009 6:30 pm

في ناس كتير مش عارفه المحاسبه و مش فهماها و مش عارفه مجال العمل ماشي أزاي أو يعمل ايه و كل ما يقرأ الكتب ما يعرفش المنهج ألي حيشتغل بيه أزاي و نفسه يعرف أزاي يقدر يتحكم في الحسابات و انه مثلا يقدر يمسك دفاتر من نفسه و يعملها بدون الاستعانه بحد




أنا أنشاء الله حعمل كل أسبوع جزء عن مفهوم المحاسبه و ازاي نطبقه في الحياه العمليه على و عسى أن ده يخدم شباب كتيره كانت خايفه من المحاسبه و خيفه تشتغل في المحاسبه + كمان أزاي أنه يطبق نظام المحاسبه ده على الكمبيوتر و حيكون في مسأل كمان أنشاء الله و الله وولي التوفيق




المحاضره الاولى

في منا ناس كتيره اوي مش عارفه تعمل القيد أو مش فهمه أزاي يعمله


س:كيف تعمل قيد؟


لكي يكون القيد سليم 100% يبقى لازم تفرق بين المدين و الدائن


طيب مهما شرحت في ناس كتيره مش عارفه للأسف تفهم الموضوع أنا بقى عندي طريقه كويسه بس هي عايزه حفظ في الاول و بعد ما تحفظ الي أنا حقوله دلوقتي صدقوني دماغه حتشتغل لواحده و يفهم ماحسبه صح بس لازم يحفظ لأن ده هو القوانين


أولا
المدين:
هو كل ما يوجد في الجانب الايمن من قائمه المركز الماليي
الدائن:
هو كل مايوجد في الجانب الايسر من قائمه المركز المالي


ثانيا: أبسط صوره لقائمه المركز المالي

الجانب الايمن و هو (المدين):

أ-الأصول الثابته:
أي شيء ثابت وده غني عن التعريف طبعا


ب-الاصول المتداوله:
1-المخزون
2-العملاء
3-النقديه
4-البنك
5-أرصده مدينه أخرى
6-جاري الشريك (أذا كان الشريك خد فلوس من الشركه أو بضاعه و هو ملتزم أنه يدفع للشركه)



الجانب الأيسر و هو (الدائن):


أ-حقوق الملكيه
1-رأس المال
2-الأحتياطيات



ب-خصوم طويله الاجل
1-القروض



ج-خصوم متداوله
1-الموردون
2-المخصصات
3-أرصده دائنه


ديه كانت أبسط صوره لقائمه المركز المالي لو حفظتها كويس صدقني حتعمل قيود بسهوله جداو تكون محترف كمان


ثالثا: شكل القيد:


القيد ديما عباره عن من و الى
من ح/ يوضع هنا المدين
ألى ح/ يوضع هنا الدائن


الشكل ده معناه أن الجانب الايمن من قائمه المركز المالي زاد و الجانب الأيسر من قائمه المركز المالي زاد راخر


مثال توضيحي:
قامت الشركه بشراء بضاعه على الحساب

نفكر في الاجابه و نحلل الكلام
1- الشركه اشترت بضاعه معنى هذا ان الشركه زادت من بضاعتها و البضاعه بالتاكيد حتخش المخازن صح

المخزون موجود في الجانب الايمن من قائمه المركز المالي يبقى أسم القيد هو ح/ المخزون


2-الشركه اشترت البضاعه على الحساب يعني أنها أخذت البضاعه و أجله عمليه الدفع طيب هي جابت البضاعه من مين مش من المورد
يبقي المورد زاد و المورد في الجانب الايسر من قائمه المركوز المالي يبقي أسم القيد هو ح/الموردون

في النهايه شكل القيد حيكون

من ح/ المخزون
ألى ح/ الموردون


ركز معايه في شكل القيد المخزون هو مدين و الموردون دائن و كل واحد فيهم زاد


ملحوظه : أذا كان هناك بضاعه تم ردها للمورد في اليوم الثاني حيكون شكل القيد أزاي أرجو الرد عن هذا الجزء



و أليكم بعض التمارين :
1- تم شراء بضاعه بمبلغ 100 نقدي
2-تم شراء بضاعه بمبلغ 200 بشيك
3-تم شراء بضاعه بمبلغ300 و تم السداد نقدي 100و الباقي 50%شيك 50%على الحساب(أجل)
الرجوع الى أعلى الصفحة اذهب الى الأسفل
http://acczahed.own0.com
elzahed
مؤسس المنتدي
مؤسس المنتدي
avatar

عدد المساهمات : 65
تاريخ التسجيل : 10/09/2009
العمر : 38
الموقع : 10/09/2009

مُساهمةموضوع: المحاضرة الثانية   الخميس سبتمبر 10, 2009 6:37 pm

المحاضره الثانيه




نكمل مع بعض طريقه عمل القيد:


ذكرنا مثال في المره السابقه أذا تم رد البضاعه الى المورد فا كيف يكون القيد:


نفكر مع بعض شويه

معنى رد البضاعه ان المخزون سوف يقل و معنى أن المورد يأخذ البضاعه هذا يدل على أن المبلغ الذي كنا ملزمين بسداده للمورد سوف يقل هو الاخر



أذا لكي يتم التخفيض يجب أن نعكس القيد



فيكون القيد هو :

من ح/ الموردون
ألى ح/المخزون



في النهايه يتكون عندنا قاعده أساسيه لعمل اي قيد



و من هنا نكون عرفنا أزاي نعمل قيد صح .


و أنشاء الله لم نتعامل مع دفتر اليوميه الامريكي و كيفيه أنشاء القيود على أكسيل سوف ندرك الموضوع أكتر بس المهم لأزم نعرف الأساسيات




]سؤالي المفضل هو:


عندما تقوم الشركه بأخذ قرض نقدي من البنك فكيف يكون شكل القيد ؟؟؟؟؟
عندما تقوم الشركه بأخذ قرض من البنك تم وضعه في حساب الجاري للشركه فكيف يكون شكل القيد؟؟؟؟؟؟

في ناس كتير بتغلط في القيد ده كتير أنا عايز أعرف مين يقدر يجاوب عليه.








الأرصده المدينه



تكلمنا في المحاضره السابقه عن قائمه المركز المالي و ذكرنا فيها الجانب الأيمن و الايسر من ضمن الجانب الأيمن يوجد أرصده مدينه فما هي تلك الارصده.



أرصدة مدينة:

- سلف عاملين .
- عهد مالية .
- مصروف مقدم .
- إيراد مستحق .
- عجز غير مسموح بالخزينة والمخازن.


أحنا لو ركزنا شويه حناخد بالنا أن الارصده المدينه كلها عن ناس أحنا عيزين منهم فلوس



على سبيل المثال:
1- سلف للعاملين:
مش العامل لم بيأخذ سالفه بيكون مديون للشركه و لازم يسدد الي عاليه .



2- عهده ماليه:
تقوم بعض الشركات بأعطاء مبلغ عهده ألى أحد الموظفين مثل مندوب المشتريات،
أذا على مندوب الشتريات أن يرد العهده أما نقدا أو بالمشتريات

3-مصروف مقدم:

هنا بأه التوهان تسأل نفسك و تقول أزاي حأخذ فلوس من المصروف المقدم ؟

أنا أقول لك أن المحاسبه بتمشي على مبدأ الأستحقاق مش النقدي

مثال:
أنا صاحب مشروع و مأجر محل مش المحل ده عايز أيجار شهري ؟

أنا رحت دافع 5 شهور لقدام لصاحب المحل يبقى صاحب المحل مديون ليه 5 شهور يأما يدفعهم يأما يحق ليه أني أبقى في المحل بدون دفع أيجار لمده 5 شهور.


4-الايراد المستحق:
هي عباره عن أيرادات أخرى تخص الفتره و لكنها لم تحصل بعد و غير مرتبطه بنشاط المنشأه

مثال:

مثلا أنا كان عندي مخزن اضافي للشركه لا يتم استخدامه و النشاط الرئيسي للشركه هو بيع الأجهزه و قامت الشركه بتأجير المخزن لكن ثمنه لم ياخذ بعد من المستأجر
أذا المستأجر هو مدين ليه بالمبلغ ده


]ملحوظه قويه جدا:

تذكر الأيراد المستحق هو أيراد من أيرادات أخرى تذكر ذلك جيدا لأننا سوف نرجع للنقطه ديه بالذات في الماره القادمه بأذن الله .




5-عجز غير مسموح بالخزينه أو المخازن:


هنا بيكون المدين بالفلوس للشركه هو يا أمين المخزن يا أمين الصندوق أو الخزينه و بيكون عليه عجز فيجب عليه سداد هذا العجز يبقى في الحاله ديه بيكون مدين للشركه بقيمه تالعجز و بتعامل معامله السلفه.



و ده كان أخر شيء عن الأرصده المدينه طبعا في أي شركه بتتبع اي أسلوب يعني المهم أنك لا تقف على هذا الطريق و بس المحاسبه مارنه يعني انت فكر شوف في ايه تاني من الارصده ممكن تعتبر مدينه شغل عنان الفكر و مش مشكله أنك تغلط لآن ما فيش حد بيغلط و ألي ما بغلطش ما بيتعلمش لازم تغلط عشان تتعلم .






مسأل عن هذا الجزء:


1_صرفت الشركة مبلغ 200 ج سلفه للموظف محمد.

2_ حصلت الشركة على قرض من البنك الأهلي المصري بمبلغ 1000 ج أودع بالحساب الجاري.

3-صرفت الشركة مبلغ 300 ج عهدة للموظف أحمد.
4_ أشترت الشركة من المورد محمود بضاعه على الحساب قيمتها 200 ج.
5-عند الجرد تم وجود عجز غير مسسموح به على أمين المخزن قيمته 400ج.
6- عند جرد الخزينه تم وجود عجز غير مسموح بيه على امين الخزينه قيمته 200ج.
7-قام الموظف محمد بسداد 50% من السلفه التي أخذها.
8-قامت الشركه بدفع أيجار مخزن الشركه من صاحب المخزن لمده 7 شهور مقدم و قيمه الشهر الواحد

ودا رابط فيه مذكره شرح مبسطه
http://www.2shared.com/file/2939548/cdacc541/____.html
الرجوع الى أعلى الصفحة اذهب الى الأسفل
http://acczahed.own0.com
neveenkan
عضو جديد
عضو جديد
avatar

عدد المساهمات : 35
تاريخ التسجيل : 10/09/2009
العمر : 33
الموقع : q8

مُساهمةموضوع: رد: أ-ب محاسبة   الخميس سبتمبر 10, 2009 9:44 pm

مشكور مستر أحمد
الرجوع الى أعلى الصفحة اذهب الى الأسفل
amola
عضو جديد
عضو جديد
avatar

عدد المساهمات : 26
تاريخ التسجيل : 10/09/2009

مُساهمةموضوع: رد: أ-ب محاسبة   الأحد سبتمبر 13, 2009 6:20 pm

ايوا كده خلينا نحس اننا بندرس صح ومن جديد بجد بداية مشرفه للمنتدى اتمنى تستمر وتستمر وبالتوفيق دائما

شكرا ليك
الرجوع الى أعلى الصفحة اذهب الى الأسفل
angel89
عضو جديد
عضو جديد


عدد المساهمات : 1
تاريخ التسجيل : 23/09/2009

مُساهمةموضوع: رد: أ-ب محاسبة   الثلاثاء سبتمبر 29, 2009 8:13 pm

السلام عليكم ورحمه الله وبركاته
اولا جزااك الله كل خير على الموضوع المفيد ده
واانا بدات اذاكر منه
خلصت اول درس
وحليت التمااارين اللى فى بقى
وشووف حضرتك صح كده ولا ايه


1)
تم شراء بضاعه بمبلغ 100 نقدى
الحل:-
100من ح\المخزون
الى ح\ الخزينه 100

2) تم شراء بضاعه بمبلغ 200 بشيك

الحل:-
من ح\ المخزون 200
الى ح\ البنك 200

3) تم شراء بضاعه بمبلغ 300 وتم السداد نقدى 100 والباقى 50%شيك و50% على الحساب

الحل:-
من ح\ المخزون 300
الى مذكورين :-
ح\ الخزينه 100
ح\ البنك 100
ح\ الموردون 100

بس كده
ياااترى صح بقى ولا ايه كده
الرجوع الى أعلى الصفحة اذهب الى الأسفل
elzahed
مؤسس المنتدي
مؤسس المنتدي
avatar

عدد المساهمات : 65
تاريخ التسجيل : 10/09/2009
العمر : 38
الموقع : 10/09/2009

مُساهمةموضوع: رد: أ-ب محاسبة   الأربعاء سبتمبر 30, 2009 5:38 pm

ممتاز يا انجل
الرجوع الى أعلى الصفحة اذهب الى الأسفل
http://acczahed.own0.com
مصطفى هاشم11111
عضو جديد
عضو جديد


عدد المساهمات : 5
تاريخ التسجيل : 07/04/2012
العمر : 47

مُساهمةموضوع: رد: أ-ب محاسبة   الأحد أبريل 08, 2012 5:47 am

شى جيد والله يعطكم العافية
الرجوع الى أعلى الصفحة اذهب الى الأسفل
majed
عضو جديد
عضو جديد


عدد المساهمات : 1
تاريخ التسجيل : 13/04/2013

مُساهمةموضوع: رد: أ-ب محاسبة   السبت أبريل 13, 2013 7:41 pm

سلام عليكم
في ملاحظ ممكن
على فكرة حل القيد الول يحيت يقول سؤال عن
أشترت الشركة بضاعة بمبلغ 100 نقداً
بايكون الحل هدا
من ح\المشتريات
الي ح\ الصندوق
الكود:
الرجوع الى أعلى الصفحة اذهب الى الأسفل
 
أ-ب محاسبة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدي المحاسبين الشطار :: المحاسبين :: المحاسبة المالية :: منتدي المبتدئين-
انتقل الى: