السلام عليكم ورحمة الله وبركاته
بدأت الرحله............. لما سألتنى صحبتى ان كنت فاضيه
فى يوم اليتيم فاستغربت جدا.. وسألتها لماذا ؟
قالتلى ..فيه رحله مع دار الأيتام الى رشيد وادفينا تيجى معانا؟
عارفين كأنها قالتلى نفسك فيه وانا احققهولك
انا فعلا من زمان كان نفسى اخد الخطوه دى
بس ماكانش عندى فرصه
قولتيلها طبعاااااااااااااااا موافقه
احنا كنا االاثنين فرحانين زى الاطفال وكانت سعادتنا لا توصف
قعدنا نخطط ونرتب
وطبعا اول حاجه لم التبرعات الاجباريه
من الاهل والاصدقاء
وبصراحه محدش قصر معانا.. كلهم تبرعوا بدون عنف هىهىهى
جريت انا وصحبتى ورحنا علشان نشترى الألعاب
بصراحه كل ما ندخل محل ويعرف اننا بنجيب لعب لأطفال ايتام
يعملنا تخفيض كبير على اللعب
جزاهم الله كل الخير وجعله فى ميزان حسناتهم
المهم اشترينا لعب كتيييييييييييييييييير والحمد الله وكمان حاجات حلوه وبلونات وصفارت وكوره
وكمان لعبة نط الحبل وحاجات تانيه كتييير
واليوم ده احنا منماش خااااالص قعدنا نرتب اللعب ونركبها
وكنا مستنين اليوم يبدأ بفارغ الصبر
وبدأ النهار يطلع يدوبك الساعه 7 كنا عند الاتوبيس
لاقينا 3 اتوبيسات
وكمان لاقينا اعداد كبيره من الأسر الرائعه اللى شاركت زينا
وبرضه جايبين ولعب وحاجات حلوه وعصائر
بدأت الرحله وكفايه كلاااااااام
بجد بجد ده كان من أحلى ايام فى حياتى والسنه اللى جايه ان شاء الله
حروح تانى بس المره دى حنكون احنا المشرفين مع امهاتنا
حنروح اماكن احلى
ومجهزين مفاجأت اكتر بكتييييييييييييير
ايه رأيكم بقى فى رحلتى
موضوع: يوميات واحده من الاسره 
الجمعة سبتمبر 11, 2009 7:52 pm
